Føroysku fimleikakvinnurnar í Danmørk hava staðið seg avbera væl í donskum kappingum. Fyrr í ár vórðu tær sælendskir meistarar, og í dag endaðu tær á einum deildum øðrum plássi í kappingini um danmarksmeistaraheitið.
Á Facebook-vanganum hjá liðinum skriva tær:
- So er kappingin liðug, og vit endaðu á einum deildum øðrum plássi saman við Taastrup við 24,95 stigum. Vit eru avbera væl nøgdar við úrslitið.
Stigini hjá ÍF Føroyum Fimleiki fullu soleiðis:
Tekniskt: 4,45
Listarligt: 2,20
Framførsla: 6,70
Gentuliðið hjá Ljósinum luttók sum gestalið. Til ber at síggja upptøkur av bæði Ljósinum og ÍF Føroyum Fimleiki á facebook-vanganum hjá ÍF Føroyum Fimleiki.
