Fleiri íbúðarbygningar brenna í Hong Kong í dag, og í minsta lagi 36 fólk hava latið lív í eldinum.
29 fólk eru flutt á sjúkrahús.
Hvar 279 fólk eru, er ikki greitt enn.
Tað upplýsir sløkkiliðið í Hong Kong sambært tíðindastovuni Reuters.
Av teimum 29, sum eru flutt á sjúkrahús, eru sjey í lívsvanda, skrivar miðilin South China Morning Post.
Fyrr á degnum varð boðað frá, at 13 fólk vóru deyð í eldinum.
Í minsta lagi fýra stórir íbúðarbygningar eru kolaðir upp. Hildið verður, at bambusbyggipallur kring bygningarnar hava ført til, at eldurin hevur ment seg so ógvusliga.
Bygningarnir liggja í Tai Po-økinum í norðara parti av Hong Kong.
Løgreglan segði fyrr í dag, at tey hava fingið fráboðanir um fólk, sum vóru fangað inni í bygningunum.
Eldurin kyknaði í bústaðarbygningunum Wang Fuk Court. Í bygningunum eru umleið 2.000 íbúðir, har 4.600 fólk búgva. Bygningarnir vóru undir umvæling.
Sløkkiliðið fekk fráboðan um eldin í nátt klokkan 2:51 lokala tíð - í gjárkvøldið klokkan 18:51 okkara tíð.
Nógvur vindur førdi til, at eldin breiddi seg til sjey av teimum átta bygningunum í bústaðárøkinum.
Sambært leiðaranum í býarstjórnini í Hong Kong, John Lee, var lutvíst tamarhald á eldinum í kvøld lokala tíð, skrivar South China Morning Post.
Fleiri enn 140 sløkkiliðsbilar og 800 sløkkiliðsfólk og sjúkrarøktarfrøðingar eru settir út til sløkkiarbeiðið. Dronur eru eisini brúktar í arbeiðinum.
Talan er um tann eldsbrunan í Hong Kong síðani 1996, sum hevur kravt flest mannalív. Tá 41 doyðu fólk í einum eldi í Kowloon-økinum.
Eldurin byrjaði undir onkrum sveisiarbeiði undir eini umvæling.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med25##
##med26##
##med27##
##med28##
##med29##
##med30##
##med31##
##med32##
##med33##
/Ritzau/
