Í góðveðri í kvøld skipaði Ungdómshúsið í Vági fyri fótbóltsdysti í Sjagagarði millum ungdóm og tilkomnar vágbingar.
Sjagagarður er nærum um søguligt stað. tá um fótbólt ræður, tí her hava børn og ung í óminniligar tíðir hugnað sær við fótbóltsspæli.
Og tí var tað óivað hóskandi at nevna tiltakið "Hvør skuldi gamlar gøtur gloymt", tá Ungdómshúsið bjóðaði tilkomnum vágbingum av til dyst í Sjagagarði.
Í góðveðrinum í kvøld møttu nógvir áskoðarar upp, eins og mong teirra, ið fingu avbjóðingina.
Eftir loknan dyst bjóðai ungdómshúsið vaflur og kaffi.
