Ein hóttan um álop er sett fram móti Zeeland Business College í Ringsted í morgun, váttar stjórin á skúlanum fyri Ekstrablaðnum.
Av hesi orsøk er løgreglan farin mannsterk út at verja fýra deildir hjá skúlanum í Ringsted, Vordingborg, Roskilde og Næstved. Løgreglan stendur á varðhaldi um allar fýra deildirnir. Ítøkiliga hóttanin er tó móti deildini í Ringsted.
Einki illgrunasamt er sæð rundan um skúlan, men hóttanin varð funnin á sosialu miðlunum og tí vóru tiltøk sett í verk.
- Tá vit ringdu til løgregluna at boða frá, fingu vit ta fatan, at hon longu kendi til hóttanina og hevði sett tiltøk í verk, sigur stjórin.
Hóttanin varð skrivað á netsíðuni 4chan um hálvgum átta tíðina í gjárkvøldið.
- ZBC Ringsted, eg hevði hildið frí í morgin, um eg var tit, skrivar ein ónevndur persónur og kroykir eina mynd av einum manni ílatin masku við boðunum.
- Øll eru sera órólig, bæði næmingar og lærarar, sigur skúlastjórin.
