Sólborg Dulavík
---
Nú ein dagin sigur løgmaður, at nú skal miðast ímóti at fáa gott samband við Kina og Russland. Nevnir enntá møguleikan fyri at upprættað sendistovu í hesum báðum londum.
Hesi risa lond eru ikki bara kend fyri tað góða, so tað letur ikki til at løgmaður er smæðin har. Men tá tað kemur til at rudda upp í okkara egna landi, tá er søgan ein heilt onnur. Herfyri var hann spurdur, hví hann ikki hevði hildið orð um at kanna Eik Banka, og fyri alt tað, so at kanna størstu bankagølu . Til hettar svarar hann at tað manglar peningar til at halda áfram við kanningini.
Í mínari verð, er hettar so grovt brot ímóti hundrað tals føroyingum og ímóti bankamálinum sum heild. Sjálv meti eg hettar bankamál verða so týdningarmikið fyri trúvirðið bankans. Og tí átti løgmaður at gjørt alt fyri at ruddað upp, og tað er ein undanførsla tá sagt verður at tað er peningaupphæddin, ið restar í. Hatta er jú bara smápengar í mun til pengar sum verða brúktir til líkt og ólíkt.
