Næstan 22 ár eftir at Hanus G. Johansen spældi eina legendariska konsert á Tórshavnar Jazz-, Fólka- og Bluesfestival, fer Hanus nú aftur á pallin við nýggjum løgum til yrkingar hjá Poul F. Hetta hendir mikukvøldið 10. februar, tá Hanus fer á pallin í Sjónleikarahúsinum. Við sær hevur Hanus tveir av okkara royndastu tónleikarum, Mikael Blak á bass og Magnus Johannesen á tangentar.
Tað er prógvað, at Hanus og Poul F. er ein blanding, sum ikki verður slitin av tíðarinnar tonn. Spennadi verður tí at hoyra nýggju løgini hjá Klaksvíks-trubadurinum til yrkingar hjá Sumbiarskaldinum.
Tey, ið ynskja at vera við til frumframførsluna av nýggju løgunum hjá Hanus til Poul F, muga tó skunda sær. Einans 150 atgongumerkir verða seld. Og atgongumerkini verða seld í TUTLhandlinum á Káta horninum. Tað skrivar MESS í dag.
