Í sambandi við at felagið Frælsi nú hevur 10 ár á baki, skipa tey fyri fyrstu hálvu marathonrenningini í Vágum. Renningin verður leygardagin 6. september 2014.
Runnið verður frá skúlanum í Gásadali til Sandavágs kirkju.
Møtt verður kl. 9.30 í Høllini á Giljanesi har startnummur verða útflýggjaði. Møguleiki verður at skifta og lata skiftiklæðir inn til at heinta eftir renningina.
Av Giljanesi verður farið við bussi út í Gásadal.
