Hákun West av Teigum og liðfelagarnir í Füchse Berlin spældu í kvøld á heimavølli seinna Play Off dystin í Champions League um rættin at vinna seg í fjórðingsfinalurnar.
Mótstøðuliðið í Max Schmelling høllini í Berlin var pólska liðið, Kielce.
Lukkutíð hevði Füchse Berlin vunnið fyrra dystin 33-27, og tann munurin kom væl við í kvøld. Tá sjey minuttir vóru eftir av dystinum var Kielce á odda 35-31, og tá manglaðu teir bert tvey mál í einum samlaðum javnleiki. Men Füchse Berlin fekk høvdið fyri seg og minkaði til 34-35 áðrenn Kielce skoraði til 34-36. Füchse Berlin vendi 34-36 til 37-36, og so bilaði tað minni, at Kielce slapp at javna til 37-37. Í steðginum var pólska liðið á odda 24-21.
Sostatt vann Füchse Berlin ein samlaðan 70-64 sigur, og nú kunnu Hákun og liðfelagarnir gleða seg til at skula spæla fjórðingsfinalur.
Italska stórtalentið, Leo Prantner fekk møguleikan á høgra veingi, og hann skoraði tvey mál upp á fýra málroyndir. Hákun slapp tó upp í part, og upp á tann eina málmøguleikan hann fekk javnaði hann til støðuna 36-36.
