Hákun West av Teigum og liðfelagarnir í Skanderborg Århus fingu eina sera vánaliga byrjan upp á endaspælið í bestu donsku hondbóltsdeildini.
Í fyrsta dystinum á heimavølli í bólki 2 tapti Skanderborg Århus stórt 23-33 fyri Bjerringbro/Silkeborg. Gestirnir vóru á odda 17-12.
Hákun skoraði trý mál fyri Skanderborg Århus.
GOG er fremst við fýra stigum, Bjerringbro/Silkeborg er næstfremst við trimum stigum. Fredericia og Skanderborg Århus hava fyrsta stigið til góðar.
Komandi týskvøld hevur Skanderborg Århus torføran dyst á útivølli móti GOG.
