- Vit skapa ikki nakað serligt, ásannaði Hørður Askham hjá B36 aftaná 0-1 tapið ímóti KÍ í Gundadali fyrr í dag.
Hørður Askham heldur talan verða um ein rótutan dyst, har nógvir langir bóltar vóru spældir. Nakað, sum KÍ eftir hansara tykki dugir betur enn B36. Hann ásannar tó, at KÍ ger tað framúr gott í hesum døgum, og Hørður Askham vil eisini rósa stóru viðhaldsfjøldini hjá KÍ, sum møtti upp til dystin í Gundadali í dag.
B36 hevur ikki vunnið í fýra dystum nú, og eru nú dotnir níggju stig afturum KÍ, og tað sær svart út at endurvinna FM-heitið hjá B36. Hørður Askham ætlar tó, at seinasti dysturin áðrenn steðgin ímóti NSÍ skal vinnast, áðrenn hann og liðfelagarnir fara at fokusera uppá fyrsta undanumfarið í Champions League kappingini
Tað er tó ikki bara svart hjá B36. Hørður Askham fegnast um, at Oddmar Færø aftur er tøkur hjá B36.
TRÝST á PÍLIN undir MYNDINI, og hoyr samrøðuna Hilmar Jan Hansen gjørdi á Rás2 við Hørð Askham, aftaná oddadystin í Gundadali.
