Børnini gleðast um kava, men kanska er minni hugaligt at vera bilførari undir slíkum umstøðum.
Kavin hevur ligið nakrar dagar og hevur hetta merkt ferðsluna.
Á politistøðini í Havn verður sagt, at fleiri smærri óhapp hava verið og at hálka er orsøkin.
Fríggjadagin vóru 3 smærri óhapp og eisini leygardagin vóru 3 smærri óhapp. Øll vegna hálku.
Annars hevur verið friðarligt í vikuskiftinum, verður sagt av politistøðini í Havn og teir vita einki um, at nakað stórvegis er hent á bygdunum heldur.
