Eftir stór mótmæli leggur forsætisráðharrin í Bulgaria, Rosen Zheylazkov, nú frá sær.
Hetta veit Reuters at siga í dag.
Nógv túsund fólk hava hesa vikuna mótmælt í gøtunum í høvuðsstaði landsins, Sofia.
Her hava tey mótmælt politikkinum hjá minnilutastjórnini hjá forsætisráðharranum.
Í seinastu viku tók stjórnin ætlaðu fíggjarlógina fyri 2026 aftur.
Hetta hendi, eftir at fólk í tíggjutúsundatali fóru út á gøturnar at mótmæla ætlaðu fíggjarlógini.
Fólk vildu nevniliga vera við, at fíggarlógin royndi at krógva umfatandi mutur í stjórnini, veit BBC at siga.
##med2##
