Føroyingar senda ikki so nógv SMS boð longur, sum fyri nøkrum árum síðani. Tað vísir ein uppgerð frá Fjarskiftiseftirlitinum,
Uppgerðin vísir, at talið á SMS-boðum vaks fram til 2012. Men fyrra hálvár í fjør sást ein týðilig broyting, tí tá fall talið á SMS boðum 10 prosent aftur ímóti fyrra hálvári í 2012.
Og hetta fallið helt fram, eisini í seinna hálvárið í fjør, tí tað fall talið á SMS boðum frá føroyskum telefonum, heili 19 prosent afturímóti seinna hálvári í 2012.
Tilsamans senda føroyingar nú 9 prosent færri SMS boð nú, enn vit gjørdu í 2007.
Fjarskiftiseftirlitið sigur, at fram til árslok 2012, vaks samlaða talið á sendum SMS boðum úr 40,6 milliónir SMS boð í 2007, upp í 43,3 milliónir. SMS boð í 2012.
Tað er ein vøkstur á 1,4 prosent í miðal um árið, men hinvegin kvinkaði talið á hvørjari telefon niðureftir sama tíðarskeið.
Les eisini: Nú eru yvir 60.000 fartelefonir í Føroyum
Men í gjør sendu føroyingar tilsamans 37 milliónir SMS boð í fjør. Tað svarar til 35 SMS boð fyri hvørja telefon um mánaðin.
|
