Føroyingaliðið á Akureyri er í niðurflytingarvanda

Tað gongur stak illa hjá føroyingaliðnum, KA í bestu íslendsku hondbóltsdeildini.

Í kvøld taptu Allan Norðberg, Nicholas Satchwell og liðfelagarnir í KA sætta dystin á rað í deildini.

KA tapti tepurt 27-28 fyri FH á útivølli. Í steðginum var støðan javnleikur 14-14.

Allan skoraði eitt mál og Nicholas var skrásettur fyri átta bjargingar í kvøld.

KA er triðaftast í deildini við 11 stigum, bert einum stigi omanfyri ÍR sum liggur á einum niðurflytingarplássi við 10 stigum.

Tíbetur fyri KA tapi ÍR 22-27 (10-12) fyri Afturelding. Annars hevði KA verið næstaftast.

KA og ÍR hava tveir dystir eftir í part í grundspælinum. 

Skírisdag tekur KA móti Fram á heimavølli. Sama dag spælir ÍR heimadyst móti FH.

Støðan: