Flogfarið, sum skuldu koma til Føroya úr Keyppmannahavn í gjárkvøldið, fekk ikki sett seg í Vágum fyri mjørka. Tískil mátti tað venda aftur til Keypmannahavnar, har tað lendið nakað eftir midnát.
Les eisini: Flogfarið mátti venda aftur
Men hetta ávirkar eisini flogferðsluna í dag, leygardagin, sigur Atlantsflog.
Flogfarið fer úr aftur Keypmannahavn beint eftir miðdag í dag og lendir væntandi í Vágum klokkan 14.20.
Men flogfarið, sum skuldi fara úr Føroyum til Keypmannahavnar klokkan sjey í morgun, fer nú klokkan 14.40 og Flogfarið til Milano, ið skuldi fara klokkan 12.55, fer ikki fyrrenn klokkan 20 í kvøld.
Flogfarið ið skuldi fara úr Keypmannahavn klokkan 10.55 í morgun og skuldi lenda í Vágum klokkan 12.05, fer nú úr Keypmannahavn klokkan 18.15 og lendir væntandi klokkan 19.20.
Og flogfarið úr Milano ið skuldi fara klokkan 18.25 í kvøld, og lenda í Vágum klokkan 20.55, fer ikki úr Milano fyrrenn klokkan eitt í nátt og lendir væntandi í Vágum klokkan 3.25 í nátt.
|
