Stórt flogbóltsvikuskiftið er í høllini á Hálsi í hesum døgum, har allar steypafinalurnar hjá bæði ungdómi og vaksnum í flogbólti verða leiktar. Longu klokkan 09.30 í morgun byrjaði fyrsta steypafinalan, og var hon ímillum Fleyr og SÍ. Aldursbólkurin var Dreingir 12.
Dreingir 12 spæla soleiðis, at vinnarin verður funnin við at telja best út av trimum settum. Tískil er nóg mikið at vinna tvey sett og harvið dystin, og ikki sum hjá teimum eldru, har tað er neyðugt at vinna trý sett fyri at vinna dystin.
Í fyrsta setti var greiður munur á liðunum. Fleyr vann heili 25-17. Í øðrum setti kom SÍ tó sterkt afturíaftur og vann 25-20. Harvið var lagt upp til eitt spennandi síðsta sett, ið skuldi avgera dystin. Tað var tó aftur Fleyr, sum dróð longra stráðið, tí at síðsta settið vann Fleyr trygt - 15-11.
Hetta er fyrstu ferð nakrantíð, at Fleyr vinnur steypakappingina hjá Dreingir 12.
Dagsins leikarar hjá báðum liðum blivu kosnir. Hjá SÍ varð Bjarni Joensen valdur til besta leikara, meðan Mattias Nolsøe Isaksen bleiv valdur til besta spælara hjá Fleyr.
