Tað liggur nú fast nær Óli Mittún og liðfelagarnir í Sävehof skulu spæla áttandapartsfinalur í EHF European League.
Fyrri dysturin móti bundesligaliðnum, Hannover-Burgdorf verður leiktur á útivølli týskvøldið 26. mars, og heimadysturin verður leiktur í Partille, týskvøldið 2. apríl.
Samlaði vinnarin møtir liðnum hjá Jóhan á Plógv Hansen, Flensburg-Handewitt í fjorðingsfinalunum. Vinnarin í fjórðingsfinalunum vinnur seg til Final Four í Hamburg, sum verður leikt 25. og 26. mai.
Um Hákun West av Teigum og liðfelagarnir í Füchse Berlin vinna á sveisiska liðnum, Kadetten í áttandapartsfinalunum, so møta teir franska liðnum, Nantes í fjórðingsfinalunum
Füchse Berlin spælir á útivølli í Sveis móti Kadetten, týskvøldið 26. mars, og á heimavølli í Max Schmelling høllini, týskvøldið 2. apríl.
##med2##
