Tað er torførari hjá kvinnum enn hjá monnum at leggja av at roykja, og í Danmark eru tað nú fleiri kvinnur enn menn, sum doyggja av royking. Tað skrivar Politiken í dag.
Eftir tíggju árum er talið á kvinnum, sum doyggja av royking, vaksið úr 6.400 í 7.100, og tað merkir, at fjórða hvør kvinna í Danmark doyr av roykingini. Hetta er hent, hóast teir donsku politikararnir hava gjørt tað munandi torførari at vera roykjari.
Um seinasta aldarskiftið doyðu 7.500 menn av royking, men í 2010 var hetta talið minkað til 6.200.
