Flóðaldan frá jarðskjálvtanum úti fyri kilsku strondini hevur ikki verið so stór, sum serfrøðingar stúrdu fyri. Fyri einum lítlum tíma síðani komu tær fyrstu aldurnar til Hawaii-oyggjarnar, men tær vóru ikki meiri enn ein metur høgar og gjørdu ongan skaða, sigur CNN.
Myndugleikarnir á Hawaii-oyggjunum høvdu fyrireikað seg væl. Longu frá morgunstundini fóru ávaringarlúðrarnir í gongd, og fólk fingu boð um at halda seg burtur frá strondini. Samstundis fóru skip og bátar út frá landi at liggja.
Myndugleikarnir í Kili siga í kvøld, at jarðskjálvtin hevur kravt minst 224 mannalív. Harumframt hevur skjálvtin gjørt stóran skaða á bygningar og vegir.
