Í gjár kom nýggi sløkkiliðsbilurin hjá Sunda Kommunu til landið og legði tá leiðina fram við kommunuskrivstovuni á Oyrarbakka, har borgarstjórin tók ímóti. Tað var undanfarna býráð, sum á fundi 26. novembur 2012 samtykti at keypa nýggjan sløkkiliðsbil.
Bilurin er bygdur á verksmiðju í Týsklandi. Hann hevur ein 2,5 tons vatntanga, hátrýst og lágtrýst pumpur at sløkkja við, automatiska teleskopmastur til arbeiðsljós og hevur dupult manningarrúm við 6-7 setrum.
Gamli sløkkiliðsbilurin verður fyribils brúktur sum tiltaksbilur.
Nýggi sløkkiliðsbilurin verður vístur fram fyri almenninginum í mentanarvikuni, sum verður í næstum.
| 
