Ferðhámarkið millum Sandavág og Miðvág lækkar nú úr 80 niður í 60 km/t. Nýggj ferðsluskelti verða sett upp í dag, sigur Landsverk
Frá í dag, 3. februar, verður ferðhámarkið millum lækkað niður í 60 km/t millum bygdirnar Sandavág og Miðvág .
Hetta er eitt av fleiri tiltøkunum, sum skulu gera ferðsluna tryggari har um leiðir, sigur Landsverk á heimasíðu sínari.
Økið við Sandavág og Miðvág hevur leingi verið mett, sum eitt vandamiklastu strekkjunum fyri gongufólk, tí landsferðslan fer beint ígjøgnum bygt øki, og mangan koyra bilar við nógvari ferð gjøgnum bygdirnar.
Tryggari vegamót og gonguteigar eru eisini millum tiltøkini, sum skulu bøta um ferðsluytrygdina, umframt hetta at lækka ferðhámarkið millum bygdirnar.
Sambært Landsverk er alt økið flokkað sum bygt øki. Hetta merkir, at sum útgangsstøði er ferðhámarkið í bygdunum 50 km/t. Tó verður loyvt at koyra 60 km/t millum Sandavág og Miðvág, sum loyvt er í serligum førum.
Inni í Sandavági og Miðvági er ferðhámarkið sostatt 50 km/t, og millum bygdirnar 60 km/t. Skelti verða sett upp, so ongin ivi er um, nær ferðamarkið broytist.
Ì Sandavági og Miðvági er ferðmarkið 50 km/t - ímillum bygdirnar 60 km/t.
