– Faroe Travel hevur gjørt nakrar bygnaðarbroytingar og tikið upp samstarv við Alpha Travel, sum er professionel føroysk ferðaskrivstova við 14 vælútbúnum og royndum starvsfólkum.
Hesum boðar ferðaskrivstovan frá í dag.
– Alpha Travel átekur sær at veita somu góðu tænastu, sum nógv kenna frá Faroe Travel. Hetta merkir, at omanfyri nevndu bygnaðarbroytingar ikki nýtast at hava nakra ávirkan fyri viðskiftafólkini. Seinni í heyst heldur so Alpha Travel fram við tænastuvirkseminum hjá Faroe Travel, verður sagt í tíðindaskrivinum.
Dánjal Poulsen, stjóri á Faroe Travel, sigur, at útskrivaðir og bílagdir ferðaseðlar verða ikki á nakran hátt ávirkaðir av hesi broyting. Tilber eisini at gera broytingar í verandi ferðaseðlum.
Bílagdar frítíðarferðir við fráferð komandi sjey mánaðirnar, t. d. til jólar í ár, verða eisini avgreiddar uttan nakra broyting, sigur hann.
