Fyri fjúrtandu ferð á rað hava KÍ kvinnurnar í dag tryggjað sær FM heitið. At KÍ enn eina ferð er meistari, tá ið KÍ í dag vann 9-0 á útivølli ímóti ÍF.
KÍ kvinnurnar og trúføstu viðhaldsfólkini eru í góða veðrinum og í góðum hýri komin aftur um Leirvíksfjørð, og seinni í kvøld verður møguleiki at heilsa upp á meistararnar.
Team Klaksvík og Neistin spæla landskappingardyst í Badmintonhøllini í kvøld. Fyrsta bríkslið verður klokkan 18.00. Dysturin verður liðugur umleið klokkan 19.30, og eftir dystarlok í hondbóltinum verður møguleiki at heilsa upp á fjúrtan falda meistaraliðið hjá KÍ kvinnunum.
