Súna Krossteig Hansen og liðfelagar hennara í Skanderborg spældu í kvøld dyst á útivølli í bestu donsku hondbóltsdeildini móti Bjerringbro.
Í Bjerringbro Idræts- & Kulturcenter eydnaðist tað Skanderborg at knógva javnleik 28-28. Astrid Leslie javnaði fyri Skanderborg til støðuna 28-28 í allarseinasta sekundinum av dystinum. Í steðginum var heimaliðið á odda 14-13.
Súna avrikaði væl í kvøld. Hon skoraði seks mál, og hon legði upp til fýra mál. Súna var næstbesti málskjúttin hjá Skanderborg.
Skanderborg er framvegis aftast í deildini, men nú við trimum stigum.
4. november hevur Skanderborg dyst á heimavølli móti verandi meistarunum, Odense.
