Fyrra hálvár fluttu 556 fleiri eystur um Oyrasund enn hinvegin, og tað er nógv minni enn í sama tíðarskeiði í fjør, tá 1.209 fleiri fluttu úr Danmark til Skåne enn hinvegin. Gongdin er tann sama, um hugt verður at, hvussu nógvir danir flyta til Malmø. Fyrra hálvár í ár var talið 325 ímóti 801 somu mánaður í 2007, sigur danska hagstovan.
Hildið verður, at tað er prísgongdin á íbúðar- og húsamarknaðinum í Keypmannahavn og Skåne, sum er orsøkin. Prísurin fellur báðumegin Oyrasund, men kortini væl skjótari donsku megin sundið enn eystanfyri.
