Teir báðir hjálparvenjararnir hjá Brian Kerr munnu eysturríkarar komast væl við. Teir eru Jens Martin Knudsen og Abraham Løkin.
Felags fyri teir báðar er, at teir vóru á føroyska liðnum, sum 12. september í 1990 í Landskrona vann 1-0 á Eysturríki.
At hjálparvenjararnir báðir vóru við í tiltikna sigrinum fyri 19 árum síðani hevur vakt ans millum eysturríksk tíðindafólk. Tey hava víst eins stóran áhuga - og kanska størri áhuga - í at gera samrøður við hjálparvenjararnar, sum teir hava havt í at gera samrøður við spælararnar.
