List er fyrsta skaldsøga hjá Eyðuni Klakstein. Í bókini verður eitt Mikines-meistaraverkið stolið, og leiðarin á listasavninum Sára Emmudóttir kemur í satt ódnarveður, tí øll vilja vita, hvussu stuldurin kundi henda, og fleiri royna at gera sær dælt av støðuni – bæði í listaumhvørvinum og í politiska heiminum.
Turrlagdi arbeiðsmaðurin Jón Amos, sum eitt skifti hevði sítt egna listagallarí, drekkur sterkt kaffi á skeinkistaðnum Kroysuni og fær illgruna um, at alt er ikki rætt vorðið.
Hann verður drigin upp í málið og ger sínar egnu skakandi kanningar.
