Ester Poulsen er sett í starvið sum skúlastjóri í skúlanum á Giljanesi.
Djóni Nolsøe Joensen, landsstýrismaður í barna- og útbúgvingarmálum, hevur sett hana.
Ester Poulsen er 47 ára gomul og var útbúgvin lærari í 2006. Í 2015 tók hon Diplom á masterstigi í vegleiðing á Fróðskaparsetrinum, og í 2021 fór hon at lesa MA í leiðslu og skipan.
Ester Poulsen hevur drúgvar undirvísingarligar royndir sum lærari, KT-vørður og sum skúlavegleiðari. Harafturat hevur hon í tveimum umførum verið virkandi varaskúlastjóri.
Í løtuni starvast hon í Skúlanum á Fløtum í Havn.
Ester Poulsen tekur við starvinum 1. januar, veit www.skulabladid.fo at siga..
