Eldur er í morgun kyknaður við tjóðartingið í Suðurafrika í milliónbýnum Cape Town. Tað upplýsir tíðindastovan AFP.
Sløkkiliðsfólk eru á staðnum við bygningin, har stórir logar og tjúkkur roykur sæst kring bygningin.
– Eldur er í takinum Tjóðartingið – annað kamarið av tinginum, brennur eisini, sigur talsmaður fyri tilbúgvingina í býnum sambært AFP.
– Tamarhald er ikki á eldinum, og rivur síggjast í bygninginum.
Myndir á sosialum miðlum, sum ikki eru góðkendar av AFP, vísa, hvussu eldurin logar upp gjøgnum takið á tjóðartinginum.
Einki er frætt um orsøkina til elding.
Fyrstu frásagnirnar benda á, at eldurin, sum er á triðju hædd, er byrjaður í einum skrivstovuhøli, haðani hann hevur breitt seg móti einum venjingarhøli.
##med2##
Tað sigur Jean-Pierre Smith, sum er limur í borgastjóranevndini í Cape Town, sum hevur ábyrgd av trygdini, sambært Reuters.
Sjónvarpsmyndir vísa, at tilbúgvingin er á staðnum. Sambært Smith arbeiða umleið 36 sløkkiliðsfólk við at sløkkja eldin.
Ikki er greitt, um nakar er inni í bygninginum.
/ritzau/
