Eirikur J. Simonsen skoraði fimm mál, tá lið hansara, Frederikshavn í næstbestu donsku hondbóltsdeildini vann 30-26 á útivølli ímóti Odder, ið er liðið Helgi H. Hoydal spældi við farna kappingarár. Í steðginum var Frederikshavn á odda 15-14.
Casper Holmen skoraði sjey mál fyri Frederikshavn og gjørdist toppskjútti. Honum næstir vóru Nikolaj Jensen og Eirikur J. Simonsen við fimm málum hvør.
Frederikshavn hevur spælt 12 dystir í næstbestu donsku hondbóltsdeildini, og teir hava snøgt sagt vunnið helvtina og hava tapt helvtina, og hava sostatt 12 stig fyri 12 dystir.
Seinasti dysturin hjá Frederikshavn áðrenn jólasteðgin verður á heimavølli ímóti Tønder. Dysturin verður spældur komandi leygardag.
Støðan í næstbestu donsku hondbóltsdeildini:
| NR | LIÐ | D | V | J | T | Málmunur | |
| 1 | Fredericia | 12 | 10 | 0 | 2 | 337 - 284 | 20 Stig |
| 2 | TM Tønder | 11 | 9 | 0 | 2 | 340 - 297 | 18 |
| 3 | Skive fH | 12 | 8 | 1 | 3 | 376 - 346 | 17 |
| 4 | Odder | 12 | 7 | 1 | 4 | 333 - 324 | 15 |
| 5 | Team Sydhavsøerne | 11 | 7 | 0 | 4 | 308 - 285 | 14 |
| 6 | Ajax København | 11 | 6 | 1 | 4 | 316 - 299 | 13 |
| 7 | Otterup HK | 12 | 6 | 1 | 5 | 335 - 327 | 13 |
| 8 | HØJ Elite | 12 | 6 | 1 | 5 | 347 - 358 | 13 |
| 9 | Frederikshavn FI | 12 | 6 | 0 | 6 | 324 - 332 | 12 |
| 10 | Randers HH | 12 | 4 | 2 | 6 | 341 - 370 | 10 |
| 11 | HEI, Skæring | 12 | 4 | 1 | 7 | 326 - 332 | 9 |
| 12 | HC Odense | 11 | 2 | 1 | 8 | 287 - 303 | 5 |
| 13 | Stoholm | 11 | 1 | 1 | 9 | 240 - 294 | 3 |
| 14 | Køge | 13 | 1 | 0 | 12 | 323 - 382 | 2 |
