Einarmaði boksarin, 32 ára gamli Nick Newell, fær nú møguleikan at royna seg móti heimsins bestu í MMA, Mixed Martial Arts-kappingini og í sonevndu hybrid-greinini.
Vinstri armur á amerikanaranum er bara hálvur, tí niðari partur varð tikin eftir føðing. Úr alboganum og niður er hvørki hond ella fingrar.
Men, hetta heldur ikki hinum 32 ára gamla aftur í at jagstra stóra dreymin. Hann vil nevniliga kappast millum bestu boksarar í MMA-kappingini.
Í apríl í ár fekk Nick Newell at vita, at hann fær møguleikan at luttaka í reality-sjónvarpssendingini, Dana White's Tuesday Night Contender Series.
Tað veit ESPN at siga.
