Tá Norrøna kom til Seyðisfjarðar á túrinum hesaferð, hekk ein stórhvalur - helst ein kúlubøka - uppi á kúlustevninum á skipinum.
Íslendska ríkisútvarpið - RUV - veit at siga, at fólk hjá havnarumsjónini á Seyðisfirði saman við manningini á skipinum fingu hvalin av aftur stevninum.
Vit kunnu leggja aftrat, at onkur heldur, at hetta er ein kúlubøka - og onkur annar, at hetta er ein avgustur.
Sum skilst, rakti Norrøna hvalin á ferðini úr Føroyum, og í samrøðu við RUV sigur skiparin, at hetta hendi um 07-tíðina í morgun.
Eftir at hvalurin var endaður uppi á kúlustevninum, misti skipið nakað av ferðini.
Íslendska ríkisútvarpið leggur aftrat, at bæði bátur, gravmaskina og tog vórðu brúkt til at fáa hvalin av aftur stevninum á Norrønu.
##med2##
