Í gjár var fólkaatkvøða í Egyptalandi um broytingar í landsins grundlóg, og løgfrøðikeldur siga við tíðindastovuna Reuters, at ein stórur meiriluti hevur atkvøtt ja. Broytingarnar í grundlógini snúgva seg millum annað um demokratisk val.
-Vit hava ikki fingið tað endaliga úrslitið enn, men ábendingar vísa, at valluttøkan var næstan 60 prosent, og at umleið 70 prosent atkvøddu ja, 26 prosent atkvøddu nei, og at fýra prosent av atkvøðunum vóru ógildar.
Starvsfólk hjá valmyndugleikunum siga, at tað hava ongantíð verið so nógvir egyptar í valhølunum sum í gjár.
Umleið 45 milliónir fólk høvdu møguleika at atkvøða í gjár.
