Seinasta finalan í stóra steypafinaluvikuskiftinum hjá flogbóltinum hevur verið í kvøld. Talan var um finaluna hjá dreingjum 16, har SÍ og Fleyr hittust.
Talan gjørdist um eina sera vælleikta og spennandi finalu, har tað serliga í fyrsta setti valdaði stórur spenningur. SÍ dró longra stráðið og við 26-24 løgdu sørvingar seg á odda 1-0 í settum.
Seinna settið gjørdist ikki eins spennandi, tí har prógvaði SÍ, at teir høvdu uppiborið sigurin. Teir vunnu hetta settið 25-18, og við 2-0-finalusigri kunnu teir nú kalla seg steypavinnarar.
Hetta var fimta steypagullið hjá SÍ, sum var við í níggju av tíggju steypafinalum.
