Hvalbiartrolararnir, Niels Pauli og Steintór, sum partrola, hava landað í Hvalba í hesi vikuni.
Skipini høvdu 90.000 pund tilsamans, og meginparturin av veiðini var svartkalvi.
Niels Pauli og Steintór byrjaðu hendan túrin vestanfyri, men fluttu skjótt eysturum.
Onkrar tekniskar ábøtur skuldu gerast á Niels Paula, sum var á Havnini, men ætlandi loysa skipini aftur til nýggjan túr longu í kvøld.
Tað veit heimasíðan hjá Jóanisi Nielsen at siga.
