Arbeiðið at talgilda bandasavnið hjá Kringvarpinum er komið væl áleiðis.
Men tað stóra takið er at bjarga sjónbondunum hjá Kringvarpinum, áðrenn tað fer fyri skeyti.
Játtanin á figgjarlógini til at talgilda bandasavnið er 900.000 krónur um árið, og heilt fitt av útvarpspartinum er bjargaður við hesari játtan.
Játtanin á fíggjarlógini hevur tó ikki rokkið til at bjarga sjónbondunum í Kringvarpssavninum, sigur Mass Hoydal, verkætlanarleiðari í Kringvarpinum, í tíðindaskrivi í morgun.
Men nýu hevur A.P Møllergrunnurin gjørt av at stuðla verkætlanini at talgilda bandasavnið við heili fimm milliónum krónum.
A. P. Møller og Hustru Chastine Mc-Kinney Møllers Fond til almene Formaal, sum grunnurin eitur, hevur latið stuðulin til at talgilda sjónbondini hjá Kringvarpinum.
- Hetta er ein stuðul, ið fer at bjarga sjónbondunum, og við hesi játtanini, fer alt savnið at vera bjargað í 2021, sigur Mass Hoydal.
