Fólkafundurin uppi á Skarð millum Fuglafjørð og Hellurnar, sum Fornminnisfelagið í Fuglafirði og Kunningarstovan skipa fyri, verður í dag.
Farið verður til gongu úr Fuglafirði ? frá Kunningarstovuni á Bugnum ? kl. 14. Tá ið komið verður niðan, fer Jógvan á Lakjuni, at halda røðu. Eisini verður sum vanligt felagssangur.
Fólkafundurin á Skarðinum, sum er tann sekstandi í røðini, endar umleið kl. 16, og tá er høvi at ganga ein túr niðan á Altarið.
Øll eru vælkomin til tiltakið, og heitt verður á fólk um at hava matpakka við.
