Hesum boðar Uttanríkis- og vinnumálaráðið frá í dag. Tey hava hesa fráboðan um sendistovur:
Keypmannahavn
Gunnar Holm-Jacobsen, ið hevur verið stjóri í Uttanríkistænastuni síðani 2013, er tilnevndur sum nýggjur sendimaður í Keypmannahavn. Árini 2008 til 2012 var hann sendimaður í Brússel. Gunnar Holm-Jacobsen avloysir Jóannes V. Hansen, ið hevur verið sendimaður í Keypmannahavn síðani 2019.
##med2##
Washington
Bjørn Kunoy er tilnevndur sum fyrsta føroyska sendifólk á komandi sendistovuni í Washington DC. Bjørn Kunoy var sendimaður í Moskva árini 2015 til 2018.
##med3##
Beijing
Áki Johansen er tilnevndur sum nýggjur sendimaður í Beijing. Áki hevur síðani 2021 verið sendimaður í Tel Aviv. Frammanundan hevur hann verið sendimaður í London í tveimum umførum - frá 2008 til 2011, og aftur frá 2015 til 2020. Áki Johansen avloysir Sigmund Ísfeld, ið hevur verið sendimaður í Beijing síðani 2019.
##med4##
Tel Aviv
Petur Petersen er tilnevndur sum nýggjur sendimaður í Tel Aviv. Hann hevur verið fyrisitingarleiðari í Uttanríkistænastuni síðani 2020. Frá 2015 til 2020 var hann sendimaður í Reykjavík.
-
Tey fýra komandi sendifólkini taka við tann 1. september í ár, og koma Sigmundur Ísfeld og Jóannes V. Hansen tá heimaftur í Uttanríkistænastuna at starvast.
Av teimum seks sendifólkunum, ið eru úti í løtuni, eru tríggjar kvinnur og tríggir menn.
