Kristiansand í bestu hondbóltsdeildini í Noregi fer nú at hava tríggjar føroyskar leikarar.
21 ára gamli Bjarni í Selvindi hevur gjørt sáttmála víð Kristiansand. Hann dylur ikki, at tað er umframt mennandi avbjóðingina eisini tí, at hann ætlar at hava betri møguleikar at gerast partur av føroyska EM-hópinum í januar.
Frammanundan eru Helgi H. Hoydal og Tróndur Mikkelsen partur av hópinum hjá Kristiansand.
Kappingarárið hjá Kristiansand í bestu norsku deildini byrjar 2. september. Tá spælir Kristiansand útidyst móti Fjellhammer.
