Á býráðsfundi í gjárkvøldið skuldi Eysturkommuna taka støðu til eitt tilmæli frá byggi- og býarskipanarnevndini um at bjóða øki út til íbúðarbygging í Norðagøtu.
Byggi- og býarskipanarnevndin samtykti í farnu viku at bjóða eitt øki, sum liggur beint við síðuna av eldrasambýlinum í Norðagøtum, út til íbúðarbygging. Nakrar fyritøkur hava vent sær til kommununa og víst áhuga fyri at byggja íbúðir í kommununi.
Somuleiðis samtykti nevndin, at arbeiðast skal við at finna økir til íbúðarbygging í bæði Syðrugøtu og Leirvík eisini.
