Fleiri fólk til gongu eru árend og kroyst við bretska tjóðartingið í London, skrivar BBC og Ritzau í morgun. Fólk verða flutt frá staðnum. Ein maður er handtikin, eftir at ein bilur koyrdi ígjøgnum trygdarforðingar frammanfyri bretska tjóðartingið í London, sigur Scotland Yard sambært Ritzau.
Sambært BBC eru fleiri fólk til gongu árend og meiðslað. Løgreglan er í gongd við at flyta fólk frá staðnum og løgreglufólk kanna økið.
Ritzau skrivar, at fólk á sosialu miðlunum vísa upptøkur av vápnaðum løgreglufólkum, sum komu til staðið stutt eftir hendingina.
/ritzau/
