Amerikanski forsetin, Joe Biden, hevur alment tikið avgerðina um at forða fyri søluni av amerikanska stálframleiðaranum U.S. Steel til japanske Nippon Steels. til japanska Nippon Steels.
Tað skrivaði forsetin í fráboðan í dag.
- Uttan tjóðarstálframleiðslu og uttan tjóðarstálarbeiðarar verður okkara tjóð minni sterk og minni trygg, sigur hann.
Samstundis leggur Biden dent á, at amerikanskar stálfyritøkur hava verið fyri "órættvísum handilssiðum" frá útlendskum fyritøkum ov leingi.
- Eg havi tikið avgerandi stig til at javna spælið hjá amerikanskum stálarbeiðarum og stálframleiðarum við at trífalda tollin á stálinnflutningi úr Kina, sigur hann í eini fráboðan.
Møguliga yvirtøkan er frá mars 2024, tá U.S. Steel boðaði frá, at tey hava gjørt eina avtalu um at verða keypt av japanska Nippon Steel fyri 14,9 milliardir dollarar. Tað svarar til stívliga 108 milliardir krónur.
Yvirtøkan varð síðani latin í hendurnar á amerikansku nevndini fyri útlendskar íløgur (CFIUS).
Seint í desember søgdu tvær dulnevndar keldur við Washington Post, at CFIUS ikki var komin ásamt um, hvørt møguliga yvirtøkan hjá japanska Nippon Steel av U.S. Stál hóttir amerikansku tjóðartrygdina.
Ein talsmaður fyri Hvítu Húsini segði síðani, at tey høvdu fingið kanningina hjá CFIUS, og at forsetin fór at endurskoða hana.
Hetta hevði við sær, at núverandi forsetin, Joe Biden, kundi forða fyri avtaluni. Fleiri ferðir á leiðini hevur amerikanski forsetin upplýst, at hann er ímóti yvirtøkuni.
/Ritzau/
