Leygarmorgunin kl. 10 setti Rodmundur Nielsen, borgarstjóri í Runavíkar kommunu, Barnafagnaðin í Ítróttarhøllini í Runavík.
Umleið 400 børn luttóku í tiltakinum umframt foreldur, systkin, ommur og abbar, so talan var um eitt rættuliga stórt tiltak.
Børnini á teimum ymisku stovnunum høvdu fyrireika seg væl til hendan dagin, og hvør stovnur hevði sín bás, sum børnini pyntaðu við lutum, ið tey sjálvi høvdu gjørt. Eisini framførdu tey ymsikar leikir í samband við tiltakið.
Foreldraráðini stóðu fyri sølu av kaffi, køkum, pylsum og sandwish.
Familjurnar hugnaðu sær óført, har var undirhald á skránni og t.d. sang Karl Martin Samuelsen úr Klaksvík saman við børnunum.
Stovnarnir sum skipaðu fyri fagnaðinum vóru: Barnagarðurin á Mýrunum, Runavík, Útibarnagarðurin Víkin, Æðuvík, Barnagarðurin á Svangaskarði, Dagstovnurin- á Oyri, Dagstovnurin- í Gøtu, Dagstovnurin- í Fuglafirði,
og Dagstovnurin á Gásamýri, Leirvík.-
