Býráðslimirnir í Tórshavnar kommunu fáa nú 300 krónur í bót hvønn dag frá Innlendismálaráðnum. Tað veit Kringvarpið í dag.
Tað eru allir býráðslimir í Havn, sum eru merktir av dagbótini, tí allir 13 býráðslimir fáa 300 krónur í bót um dagin. Orsøkin er, at kommunan ikki vil geva Mentamálaráðnum skjøl í tveimum uppsagnarmálum á dagstovnaøkinum. Men hetta vil Tórshavnar Kommuna ikki finna seg í, og tí hevur kommunan og Kommunufelagið ætlanir um at stevna Mentamálaráðnum, sambært Kringvarpinum.
Mentamálaráðið verður í stevngini biðið um at viðurkenna, at Tórshavnar kommuna ikki er undirlagt Mentamálaráðnum í starvsfólkamálum sambært dagstovnalógini.
Kommunan og Kommunufelagið halda tí, at Innlendismálaráðið má seta dagbøturnar á pausu, inntil dómsvaldið hevur tikið støðu. Turid Arge, aðalstjóri sigur við Kringvarpið, at sum nú er standa boðini um dagbøtur við, tí tey er ikki liðug at viðgera brævið frá sakføraranum hjá kommununum. Eitt bræv, sum tey fingu í gjár.
