Avtala um friðing í Vestmanna

Vestmanna bygdarráð við­gjørdi á fundi hin 11. desember mál um vetrar­friðing av Fjalshaga.
- Umsitingin hjá kommununi hevur í eina tíð havt samráðingar við um­boð fyri Fjalshaga um friðing av parti av vetrar­biti­num hjá haganum. Úrs­lit­ið av samráðingunum varð viðgjørt á bygd­ar­ráðs­fundinum hin 11. desember, har bygdarráðið samtykti upp­skotið.
Tað sigur Vestmanna kommu­na.
Lagt verður aftrat, at málið er ikki endaliga sam­tykt av eigarunum í Fjalshaga. Hagin skal æt­landi viðgera uppskotið á hagafundi ímillum jól og nýggj­ár.
- Fundur hevur eisini verið við Neshaga. Avtalað varð, at kommunan ger full­fíggjað uppskot til hagan at leggja fyri haga­stevnu komandi vár. Triðji hagin, sum eisini hevur rætt til vetrar­bit, er Heygahagi fremra helvt.
Vestmanna kommuna sigur, at arbeiði at hegna seyð­in úti verður helst ikki byrjað, fyrr enn allir tríggir sáttmálarnir eru undir­skrivaðir.