Nýggj uppgerð hjá Hagstovu Føroya vísir, at árstíðarjavnaða fulltíðararbeiðsloysið var 2,0% 1. november. Mánaðin frammanundan var tað 2,2, og fyri einum ári síðani var tað 2,6%.
Seinastu 12 mánaðirnar hevur arbeiðsloysið sveiggjað millum 2,2 og 2,6%.
Munurin millum kynini er tann sami, har arbeiðsloysið nú er 1,5% hjá monnum og 2,5 hjá kvinnum.
Í tali er fulltíðararbeiðsloysið 557 persónar í november í ár, tað eru 189 færri enn í november í fjør.
