Framsýning við listaverkum eftir flestu av okkara best umtóktu listafólkum letur upp í Listaglugganum í Dr. Jakobsensgøtu 15 í Havn fríggjadagin.
Við á framsýningini eru 26 verk eftir Steffan Danielsen, Ingálv av Reyni, Torbjørn Olsen og Zacharias Heinesen.
Haraftrat eru 26 onnur verk eftir S.J. Mikines, Ruth Smith, Hans Hansen, Waagstein, William Heinesen, Janus Kamban, Trónd Patursson, Bárð Jákupsson, Finnleif Mortensen, Sigrun Gunnarsdóttir, Kára Svensson og Eyðun av Reyni.
Á framsýningini eru 52 verk og eru flest øll eldri verk.
Framsýningin, sum letur upp fríggjadagin klokkan 15, verður at síggja vanligar upplætingartíðir í Listaglugganum.
