Jógvan er ættaður av Eiði. Hann byrjaði í fyritøkuni 1. september 1966 sum 15 ára gamal. Fyrsta hálva árið arbeiddi hann á fiskivinnudeildini á Bacalao, áðrenn hann fór í læru á skrivstovuni í 3 ár. Eftir tað arbeiddi hann sum sølumaður.
Í 1977 flutti heilsølan av kajuni og niðan á Háls. Tá kom Jens Peter Egholm til Havnar, og Jógvan yvirtók hansara starv sum leiðari av deildini á Hvítanesi á Tvøroyri.
Hetta starv røkti Jógvan til miðskeiðis í 90-unum, tá hann flutti aftur til Havnar í starvið sum leiðari fyri innkeypinum hjá heilsøluni.
Jógvan er giftur við Jonnu Elisu, og tey eiga tveir dreingir: Rúni og Bárður.
Jógvani dámar væl uttandura arbeiði sum t.d. at hava tað snøgt og hugnaligt uttanum húsini, og á Eiði hevur hann eina trøð, har hann búkar nógv av síni frítíð.
