Bæði einstaklingar, virki, feløg og kommunur hava søkt um stuðul, verður sagt úr Innlendismálaráðnum. Játtanin í ár er 1,410 mió. kr. Innlendismálaráðið miðar ímóti, at stuðul verður veittur um hálvan mars.
Endamálið við játtanini er, at stuðla tiltøkum, sum menna vitanina um umhvørvið og náttúru, virka dálkingarfyribyrgjandi og ?avmarkandi, verja landsløg, djóra- og plantusløg, kunna almenningin um umhvørvis- og náttúruviðurskifti og stuðla undir orkusparandi tiltøk.
