Ítróttarmiðlar kring heimin hava gjørt nógv burturúr at gera samanbering, nú eitt áratíggjuskeið er komið at enda, og vit fara í tvey túsund og 20 ini.
Hyggja vit at A-landsliðnum hjá monnum í fótbólti, so standa tríggir spælarar við. Frá fyrsta dystinum í 2010, sum var ein venjingarlandsdystur móti Íslandi, og til EM-landsdystin móti Svøríki, so standa Gunnar Nielsen, Atli Gregersen og Jóan Símun Edmundsson við.
Tað var 21. mars 2010, at Føroyar við Brian Kerr á odda taptu 2-0 í Kópavági móti Íslandi. Í mál stóð Gunnar Nielsen og í álopinum var ein ungur Jóan Símun Edmundsson. Í seinna hálvleiki kom Atli Gregersen á vøllin.
##med2##
##med3##
Flestu av hinum føroysku spælarunum frá túrinum í Íslandi eru antin givnir, ella spæli minni leiklutir í sínum feløgum. Spælarar sum Fróði Benjaminsen, Símun Samuelsen, Jónas Tór Næs Rógvi Poulsen, Høgni Zachariassen, Meinhardt Joensen, Einar Tróndargjógv og Bárður Olsen hava verið at sæð á vøllinum í ár.
Símun Samuelsen og Jónas Tór Næs hava alment boðað frá, at teir gevast við fótbólti, meðan tað er eitt sindur meiri óvist við eitt nú Fróða Benjaminsen og Høgna Zachariassen.
